This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

10.922   திருமூலர்   திருமந்திரம் -

ஓதின் மயிர்க்கால் தொறும்அமு தூறிய பேதம் அபேதம் பிறழாத ஆனந்தம் ஆதி சொரூபங்கள் மூன்றகன் றப்பாலை வேதம தோதும் சொரூபிதன் மேன்மையே.	[ 1]
உணர்வும் அவனே உயிரும் அவனே புணர்வும் அவனே புலவி அவனே இணரும் அவன் தன்னை எண்ணலும் ஆகான் துணரின் மலர்க்கந்தம் துன்னிநின் றானே.	[ 2]
துன்னிநின் றான்தன்னை உன்னிமுன் னாஇரு முன்னி யவர்தம் குறையை முடித்திடும் மன்னிய கேள்வி மறையவன் மாதவன் சென்னியுள் நின்றதோர் தேற்றத்த னாமே.	[ 3]
மின்னுற்ற சிந்தை விழித்தேன் விழித்தலும் தன்னுற்ற சோதித் தலைவன் இணையிலி பொன்னுற்ற மேனிப் புரிசடை நந்தியும் என்னுற் றறிவானான் என்விழித் தானே.	[ 4]
சத்திய ஞானத் தனிப்பொருள் ஆனந்தம் சித்தத்தில் நில்லாச் சிவானந்தப் பேரொளி சுத்தப் பிரம துரியம் துரியத்துள் உய்த்தல் துரியத் துறுபே ரொளியே.	[ 5]
Go to top
பரனல்லன் நீடும் பராபரன் அல்லன் உரனல்லன் மீதுணர் ஒண்சுடர் அல்லன் தரனல்லன் தான்அவை யாய்அல்ல ஆகும் அரனல்லன் ஆனந்தத் தப்புறத் தானே.	[ 6]
முத்தியும் சித்தியும் முற்றிய ஞானத்தோன் பத்தியுள் நின்று பரந்தன்னுள் நின்றுமா சத்தியுள் நின்(று) ஓர்க்கும் தத்துவம் கூடலால் சுத்தி அகன்றோர் சுகானந்த போதரே.	[ 7]
துரிய அதீதமும் சொல்லறும் பாழாம் அரிய துரியம் அதீதம் புரியில் விரியும் குவியும் விள் ளாமிளி ரும்தன் உருவும் திரியும் உரைப்பதெவ் வாறே. 23,	[ 8]

Thevaaram Link  - Shaivam Link
Other song(s) from this location:
This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song